Resultado di Èksamennan Sentral 2018 VSBO, HAVO, VWO - Informashon tokante Gobièrnu di Kòrsou Bo opinion

Notisia

Resultado di Èksamennan Sentral 2018 VSBO, HAVO, VWO

Geplaatst op 08 August 2018 dor di Ministerio Enseñansa, Siensia, Kultura & Deporte

Despues ku mas ku tres siman kandidatonan pa èksamen na Kòrsou a traha nan èksamen, e tenshon aki a kulminá dia 14 di yüni i pa algun skol dia 15 di yüni anterior, despues ku 2317 kandidato a risibí nan resultado di èksamennan final.

E periodo di èksamen sentral ta tras di lomba i den luna di yüni 2018 despues ku skolnan a risibí e normanan di èksamen di parti di Sentro di Ekspertisia pa Prueba & Èksamen (ETE) di ministerio di Enseñansa, kandidatonan, a risibí nan resultado di èksamen.

Resultado èksamennan final despues di e di dos periodo

E resultado di èksamen despues di e di dos periodo ta mustra ku pa PBL (Trayekto edukativo Profeshonal Práktiko) 80% a slag, pa PKL (Trayekto edukativo Práktiko pa formashon di Kader) 79% i TKL (Trayekto edukativo Teóriko pa formashon di Kader) 75%. Kompará ku aña pasá e resultado di PBL i TKL ta un krenshi (1%) mas mihó e aña aki. Resultado di PKL a bai atras ku 5%.

Pa HAVO i VWO e resultado ta mustra ku pa HAVO 71% a slag i pa VWO 82%. E resultado di HAVO kompará ku aña pasa ta supstansialmente mas mihó, 12% mas, i pa VWO esaki a baha un tiki ku 4%.

 Skema ku ta duna un bista di e informashon di añanan 2017 i 2018:

 

% slag

% zak

Tipo di Enseñansa

2017

kantidat

2018

kantidat

2017

kantidat

2018

kantidat

VSBO PBL

79%

348

80%

346

21%

93

20%

89

VSBO PKL

84%

352

79%

359

16%

65

21%

94

VSBO TKL

74%

488

75%

547

26%

171

25%

179

HAVO

59%

339

71%

393

41%

232

29%

160

VWO

86%

166

82%

113

14%

27

18%

24

Minister di Enseñansa ta felisitá tur kandidato ku a slag i ta deseá nan hopi éksito ku e siguiente paso den nan trayekto edukashonal sea lokal òf den eksterior. Na esnan ku no a slag Minister ta deseá forsa i éksito den e aña eskolar 2018-2019.

Pa ‘download’ e informashon aki den un formato di PDF klik aki: Komunikado Resultadonan final VSBO-HAVO-VWO pa aña 2018

Ministerio konserní