ROP ku eksitoso teambuilding pa koleganan
Publiká riba
05 Febrüari 2025
Willemstad – Ku e obhetivo pa fortalesé e kompañerismo i mehorá e komunikashon interno, Servisio pa Planifikashon Urbano (ROP) a organisá un dia di ‘teambuilding’ resientemente. E inisiativa aki ta forma parti di e kompromiso di e servisio na desaroyo profeshonal i bienestar di su ámtenarnan.
Durante e dia, e koleganan a partisipá den varios dinámikanan i aktividatnan rondó di e tema resilensha, pa por duna un mihó servisio na komunidat. Entre e aktividatnan sobresaliente tabatin kon pa praktiká resilensha den ekipo i kon pa sostené otro den henter e servisio, no importando e departamentu spesífiko.
