ROP ta habri pa kliente entrante 13 di mei 2020 - Informashon tokante Gobièrnu di Kòrsou Bo opinion

Notisia

ROP ta habri pa kliente entrante 13 di mei 2020

Geplaatst op 12 May 2020 dor di Ministerio Tráfiko, Transporte i Planifikashon Urbano

Willemstad – Servisio pa Planifikashon Urbano, ROP (ántes DROV), a hasi uso di e promé dianan di siman, pa prepará su personal riba e forma nobo pa atendé kliente. Esaki, teniendo kuenta ku distansha sosial i medidanan di prekoushon i protekshon di salú, di tantu trahadó i di kliente. 

Pa motibu ku no por pèrmití aglomerashon di hende den sala di espera, tur kliente tin ku traha un sita entrante 13 di mei 2020,  pa asina por risibí servisio di e organisashon. E sitanan ta tuma lugá riba djaluna, djarason i djabièrnè, entre 8’or di mainta pa 12’or di mèrdia. Ta úrgi tur persona ku ta deseá un servisio di ROP pa komuniká pa medio di telefòn, whats-app of email.

Pa informashon general di ROP por yama 433-3200.

Pa tur informashon tokante:

  • petishon i pregunta di pèrmit di konstrukshon 
  • informashon tokante adrès 
  • bòrchi di propaganda, por yama i òf manda un WhatsApp na 511-3874.

Pa manda kualke dokumento pa ROP, por email na info.rop@gobiernu.cw

Ministerio konserní