SDKK a duna atenshon na tur personal ku a baha penshon durante 2026 - Informashon tokante Gobièrnu di Kòrsou

Notisia

Hustisia
 

SDKK a duna atenshon na tur personal ku a baha penshon durante 2026

Publiká riba 18 Novèmber 2026

Willemstad: Djárason 18 di novèmber 2026, a tuma lugá na Amazia Restuarant un bunita enkuentro ku tur e personal di Sentro di Detenshon i Korekshon Kòrsou ku a baha penshon durante 2026 i esnan ku ta den fakansi pa baha fin di aña aki.

Den un ambiente ameno i festivo, Gerensia di SDKK a duna atenshon na tur e penshonadonan di prizòn di aña 2026.

Na e okashon aki a hiba palabra sr. Anthony Hasselmeijer komo direktor suplente i miembronan di gerensia di SDKK, ku a gradisί tur e invitadonan pa nan añanan di servisio dediká na prizòn i tambe pa nan disfrutá di nan penshun bon meresí i keda ku e kontakto ku e demas kolegenan.

Mas aleu tabatin oportunidat pa kada un di e invitadonan penshonado hiba palabra i a kontinua e enkuentro aki, ku un sukulentó almuerso i a bin finalisá e merdia ku entrega di un regalo di parti e famia di SDKK.

Pa konkluί gerensia i personal di Sentro di Detenshon i Korekshon Kòrsou, ta gradisí tur e penshonadonan pa nan labor prestá durante hopi aña di servisio i ta desea nan tur klasse di eksito den e etapa nobo di bida.