Publiká riba 10 Ougùstùs 2026
Willemstad – Servisio pa Tráfiko i Transporte (UOVV) ta invitá pueblo di Kòrsou, i speshalmente tur ku ta laborá den transporte públiko, na selebrashon di Dia Nashonal di Transporte Públiko. Esaki lo tuma lugá riba djadumingu 16 di ougùstùs pa 10or di mainta na Misa di Soto.
Esaki lo ta e di 10 aniversario na Kòrsou, i pues ta un momento spesial dediká na rekonosé i apresiá e kontribushon importante ku e sektor di transporte públiko ta hasi diariamente na nos komunidat.
A establesé Dia Nashonal di Transporte Públiko atraves di un dekreto ministerial dia 29 di yüli 2016. E di tres djadumingu di luna di ougùstùs a wòrdú deklará ofisialmente komo dia di transporte públiko na Korsou.
E di 10 aniversario ta brinda un oportunidat pa para ketu na e balor ku shòfúr, titularnan di pèrmit, operadornan di transporte pa skol, transporte turístiko, bùsnan, i otro aktornan den e sektor. Tur ta agregá na desaroyo sosial i ekonómiko di nos isla.
Tur personanan relashoná ku transporte públiko ta invitá pa asistí na misa komo un momentu di reflekshon, gradisimentu, i union.
