Bo opinion

Notisia

Seminario: Uso i Maluso di “Social Media”

Geplaatst op 17 June 2019 dor di Ministerio Enseñansa, Siensia, Kultura & Deporte

Willemstad – Komishon Nashonal di UNESCO Kòrsou huntu ku Ministerio di Enseñansa, Siensia, Kultura & Deporte, Ministerio di Tráfiko, Transporte & Planifikashon Urbano den estrecho koperashon ku Tele Curaçao a tene un Seminario ku e tema di Uso i Maluso di “Social Media”.

Ministernan sra. Marilyn Alcalá-Wallé i sra. Zita Jesus-Leito a hasi e apertura ofishal na e Seminario ku ta riba e dianan 17 i 18 yüni na Sambil. Durante di e promé dia di e tema: ‘uso i maluso di medionan sosial’, tabatin presentashon di ekspertonan manera sr. Wesley Gibbings (periodista di CARIMAC, Trinidad). Algun di e tópikonan ku a keda presentá djaluna 17 di yüni ta: “Social Media Policy – Media Basics and Developing guidelines for media usage by journalists in the media organization” pa sra. Anika Kentish, “Local perspective on the Use of Social Media” pa sr. Dick Dryer, “Comparison between social media use in Curaçao and St. Kitts & Nevis” pa sra. Melissa Arroyo i “Journalism of verification – research tools to verify social media content for journalistic use” pa sr. Wesley Gibbings.

E social Media Guidelines a keda desaroyá pa Public Media Alliance (PMA) – (antes CBA), ku ta un organisashon ku ta produsí norma editorial pa periodistanan di radio i televishon. Ku finansiamentu di UNESCO Caribbean Cluster Office i sosten di CBU i RJR Gleaner Group, PMA a traha ku profesional di media di komunikashon den Karibe pa desaroyá normanan nobo pa uso di media sosial.

E tema di medionan sosial ta sentral pa mehorá embolbimentu di oudiensia i por kondusí na maneranan nobo di ingreso i komunikashon. Pero si hasi esaki di forma robes e por tin konsekuensha dañino pa reputashon den e área di prensa. Den e kuadro aki i huntu ku un di nos medionan lokal a organisá e seminario pa duna informashon aktual i konkreto na nos medio nan di komunikashon lokal.

Pa mas informashon di e palabranan di apertura di Minister Alcalá-Wallé por klik aki: Apertura Spich Minister di E.S.K.D.

KOMUNIKASHON

Ministerio konserní