Publiká riba 26 Yüli 2018
Willemstad – Servisio pa Obra Públiko (OW) ta anunsiá ku for di siman pasa su sentral di liñanan di telefon ta for di servisio. Esaki ta nifiká ku OW no por risibi yamada via di niun number di telefon di liña fiho aktualmente. E number sentral di telefon di OW normal ta 433-4444. Tur otro number di telefon ku ta kuminsá ku 433-4 tambe ta number di OW.
Si ta nesesario por pasa personalmente na Landhuis Parera. Tambe por manda un e-mail na info.vvrp@gobiernu.cw òf si un persona tin e e-mail adrès direkto di un persona den OW.
OW ta pidi diskulpa pa e inkombinensha i ta trahando pa remediá e situashon mas pronto posibel.
