Willemstad – “Sera konosí ku Ministerio di Finansa”, ta un produkshon di Ministerio di Finansa ku e meta pa presentá komunidat kua ta tur e instanshanan ku ta forma Ministerio di Finansa i asina komprondé e ministerio mihó. Den e produkshon aki tur hefe i direktor di sektor di departamentunan i direktor di servisio i kompania privá di gobièrnu ku ta forma Ministerio di Finansa, ta presentá responsabilidat i tarea di nan respektivo instansha. Tambe nan ta kompartí kiko ta nan kompromiso ku e instansha i pais i kiko ta dos di nan reto, den konteksto di logro, pa 2018.
E produkshon lo pasa na e plantanan di televishon riba siguiente dianan:
Resientemente Minister di Finansa sr. Kenneth Gijsbertha a organisá un enkuentro ku e grupo aki ku e meta pa nan kompartí ku otro kiko ta loke nan ke logra den 2018 i kiko ta kontratempu ku nan tin pa atendé. Na e okashon aki tambe nan a haña chèns di mira e produkshon “sera konosí ku Ministerio di Finansa” ku práktikamente nan tur a partisipá den dje.
Ta promé biaha ku un Minister di Finansa a trese tur hefe i direktor di instanshanan ku ta forma Ministerio di Finansa den un enkuentro. Durante di e enkuentro e hefenan i direktornan a aploudí e inisiativa pa motibu nan a bin den kontakto ku otro i nan a mira kaminda nan por duna otro asistensha pa solushoná kontratempu i den otro kaso koperá ku otro pa fortifiká funshonamentu di Ministerio di Finansa. Tantu Minister komo e representantenan di e instanshanan ku ta forma Ministerio di Finansa ta di akuerdo ku mester tin e tipo di enkuentro aki ku regularidat.
E siguiente paso pa sera komunidat konosí ku Ministerio di Finansa lo tuma lugá riba retnan soshal. Kuminsando djabièrnè 2 di mart lo kuminsá pone riba retnan sosial e vershon individual di kada hefe i direktor di e respektivo instanshanan ku ta forma Ministerio di Finansa kaminda nan ta papia di responsabilidat i tarea di nan respektivo instansha, kiko ta nan kompromiso ku e instansha i pais i kiko ta dos di nan reto, den konteksto di logro, pa 2018. Por mira e vershonnan individual riba website di gobièrnu, página di facebook, di Minister di Finansa Kenneth Gijsbertha, website I página di facebook di e respektivo instanshanan ku ta forma Ministerio di Finansa.
Informashon pa kompañá potrèt di grupo:
d.r.p.d. sr. Gino Campbell di Curaçao Gaming Control Board (GCB), sr. Joseph Solingen di BAB, sra. Lisa Rodriguez di Asuntunan Fiskal, sra. Evelyn Kruithof-Bor di Algemeen Pensioenfonds van Curaçao (APC), sra. Jamila Isenia di Inspectie der Belasting, sra. Jaqueline Drenthe di Landsloterij, sr. Paul Soethoudt di Ministerio di Finansa, sra. Lysette Melfor di Ministerio di Finansa, Minister Kenneth Gijsbertha, sra. Leila Matroos-Lasten CBCS, sra. Solange Lopez di FIU (antes MOT), sr. Alfonso Trona di Landsontvanger Curaçao (ontvanger), sra. Soraya Pols-Strick di Douane Curaçao (Douana), sr. Donald de Palm di Stichting Bureau Toezicht en Normering Overheidsentiteiten (SBTNO), sr. Javier Samson di Fundashon Wega di Number Kòrsou(FWNK), sr. Dylan Calister di OBNA i sr. Geomaly Martes di Stichting Overheidsaccountantsbureau (SOAB).
D.r.p.d. Kolaboradonan di gabinete di minister sra. Vanessa Gijsbertha, sra. Tatjana Brazil, sra. Shaerelin Valks, sr. Theo Caris i sra. Liza-Minelly Crichlow-Henriquez.
