Servisio di Atmishon ta habri bèk pa klientenan ku tin sita - Informashon tokante Gobièrnu di Kòrsou Bo opinion

Nieuws

Servisio di Atmishon ta habri bèk pa klientenan ku tin sita

Geplaatst op 20 May 2021 dor di Ministerio Hustisia

WILLEMSTAD – Servisio di Atmishon ta informá ku entrante djaluna 24 di mei 2021 su ofisina ta habri bèk solamente pa klientenan ku tin un sita pa risibí nan título di residensia

Klientenan ku tabatin sita durante e periodo di lockdown ta risibí un mail ku sita nobo. E klientenan akí mester keda pendiente di nan mail pa e sita nobo. Servisio di Atmishon ta urgi klientenan pa presentá riba dia i ora stipulá di nan sita. Si presentá riba un fecha ku no tin sita, no por keda yudá.

Pa klientenan ku a risibí un desishon positivo i mester di un sita, mester manda un mail na sita@immigrationcur.org. Den e mail mester menshoná nòmber, fecha di nasementu i number di fmscrv di e kliente.

Pa e kliente ku mester entregá un  petishon pa pèrmit, mester manda e petishon na intake@immigrationcur.org. Den e tópiko ariba (subject) mester menshoná nòmber i fecha di nasementu.

E kliente ku ta deseá di risibí informashon general òf entregá un apelashon, mester manda un mail na info@immigrationcur.org. Dokumentonan adishonal ku mester entregá pa un petishon òf un apelashon mester keda mandá na info@immigrationcur.org

E kliente ku ke apliká pa Integrashon Responsabel mester hasi esaki via di e website www.immigrationcur.org. Si ta deseá informashon pa ku e proyekto akí mester bishitá e website akí.

Pa por kontrolá si un petishon a keda prosesá, por hasi esaki via di https://gobiernu.cw/petishonnan-prosesa/.


Ministerio konserní