Publiká riba 04 Sèptèmber 2025
Riba djamars, 2 di sèptèmber 2025, Servisio Meteorológiko di Kòrsou a entrega di forma ofisial un rapòrt tokante kambio di klimá pa Kòrsou na Minister di Tráfiko, Transporte i Planifikashon Urbano, Señor Charles Cooper. Durante e momentu di entrega, minister Charles Cooper a haña un presentashon pa asina duna un splikashon detayá tokante e kontenido di e rapòrt.
E rapòrt ta trata efektonan di kambio di klima pa isla di Kòrsou, manera subida di nivel di laman, sekura, periodo di kalor mas largu i evento(nan) di wer ekstremó.
Riba e siguiente imagen, por tuma nota di e direktor di Servisio Meteorológiko di Kòrsou, sr. Albert Martis, na momento ku ta entrega e rapòrt na minister Charles Cooper. Esaki a tuma lugá den kompania di sr. Jonathan Zoetrum, investigadó klimatológiko i tambe Denrick Rombley, konsehero di kalidat i komunikashon di servisio Meteorológiko di Kòrsou.
