Publiká riba 15 Mart 2021
WILLEMSTAD – Asuntunan Públiko (Kranshi) di ministerio di Maneho di Gobernashon, Planifikashon i Servisio Públiko ta notifiká pueblo en general ku durante e siman di elekshon, pues di 15 te ku 19 di mart 2021, tin adaptashon den su servisio na komunidat. Kranshi no tin tur e servisionan kustumbrá.
Esaki den kuadro di preparashon i sosten relashoná ku elekshon benidero. E úniko servisionan ku Kranshi ta duna durante e siman di 15 te ku 18 di mart ta:
entrega karch’i vota;
saka sédula;
òp yu;
òp morto;
kita nòmber.
Si bo tin bo sita trahá pa renobá/traha sédula pa e siman akí, esei ta sigui normalmente.
Djabièrnè 19 di mart, Kranshi ta habrí solamente pa:
tuma karch’i vota;
traha sédula.
Pa mas informashon por tuma kontakto ku Bentana di Informashon via number di telefòn 433-3123.