Seshon pa pueblo di Banda Bou: E bario di bo soño! - Informashon tokante Gobièrnu di Kòrsou Bo opinion

Notisia

Seshon pa pueblo di Banda Bou: E bario di bo soño!

Geplaatst op 18 January 2018 dor di Ministerio Tráfiko, Transporte i Planifikashon Urbano

Willemstad – Kon e bario di nos soño ta? Kiko ta kosnan ku nos barionan tin mester? Ban papia tokante e barionan ku nos tin mester. Minister Zita Jesus Leito di Tráfiko, Transporte i Planifikashon Urbano (VVRP) huntu ku UNOPS ta invitá habitantenan di Banda Bou pa 1 enkuentro pa huntu nos diskutí riba un vishon pa e área di Banda Bou. Esaki ta den kuadro di e trayekto di Nashonnan Uní (UN) konosí komo ‘the New Urban Agenda’.

Ta bai tin 1 seshon pa habitantenan djasabra 20 di yanüari 2018 for di 9.30 di mainta te ku 4.00pm di atardi. Lo tin lùnch inkluí i e seshon ta tuma lugá na Sentro di Bario Tera Gorá. 

Ku e trayekto aki, Minister Zita Jesus-Leito ta den proseso pa krea un plataforma pa, huntu ku diferente grupo di interes, yega na un struktura pa promové nos kalidat di bida, kambio di mentalidat, bienestar i desaroyo di barionan en general.

Tur habitante di Banda Bou ta bon bini! Pa mas informashon i registrashon por tuma kontakto ku nos via di whats app +5999 511 8582, via di e-mail info.vvrp@gobiernu.cw òf por bishita nos página di facebook Ministerio di Tráfiko, Transporte i Planifikashon Urbano. 

Ministerio konserní