Publiká riba 08 Yüli 2020
WILLEMSTAD – Komo medida di prekoushon shofùrnan di bùs, taksi i ‘tourwagen’ próksimamente lo kuminsá usa tapa-boka (‘mondkapje’). Despues ku a habri frontera, ta reina un preokupashon den nos komunidat pa ku infekshon ku e corona vírùs.
Un di e sektornan ku ta hopi vulnerabel ta esun di shofùrnan di bùs chikitu, taksi i ‘tourwagen’. Esaki a pone ku siman pasá tabatin un reunion entre representante di bùs, taksi, ‘tourwagen’ i Dr. Gerstenbluth. Durante e enkuentro aki, Dr. Gerstenbluth a duna sierto rekomendashonnan ku por apliká den transporte públiko. Un di nan ta entre otro pa shofùrnan bisti tapa-boka. A base di esaki a palabrá ku – inisialmente komo un gesto – Ministerio di GMN ta duna kada doño di pèrmit (‘vergunninghouder’) 50 tapa-boka pa uso propio.
Komo ku ta trata di por lo ménos 600 doño di pèrmit, Servisio pa Tráfiko i Transporte (UOVV) a traha un planifikashon pa e shofùrnan por pasa tuma nan tapa-boka.
Ta kuminsá ku repartishon di tapa-boka (‘mondkapjes’) riba djárason 8 di yüli te ku djabièrnè 10 di yüli 2020.
E ta bai di e siguiente forma segun number di vehíkulo.
Djárason 8 di yüli 2020
10:30-11:30 – Taksi 1 te ku 50
13:30 -14:30 – Bùs 1 te ku 50
14:30 -15:30 – Bùs 51 te ku 100
15:30- 16:30 – Bùs 101 te ku 150
Djaweps 9 di yüli 2020
10:30-11:30 – Taksi 51 te ku 100
13:30 -14:30 – Bùs 151 te ku 200
14:30 -15:30 – Bùs 201 te ku 250
15:30- 16:30 – Bùs 251 te ku 300
Djabièrnè 10 di yüli 2020
10:30-11:30 – Taksi 101 te ku 150
13:30 -14:30 – Bùs 301 te ku 350
14:30 -15:30 – Bùs 351 te ku 400
15:30- 16:30 – Taksi 151 te ku 200
‘Tourwagen’
Pa loke ta trata e 15 doñonan di pèrmit pa ‘tourwagen’ (‘vergunninghouder’), nan por pasa sea djárason, djaweps òf djabièrnè entre 13:30 i 16:30 di atardi.
Otro rekomendashonnan ta pa kore e vehíkulo ku bentana habrí òf por instalá ‘Plexiglas’ tambe entre e shofùr i e pasahero, miéntras ku e pasahero mes tambe por bisti un tapa-boka.
Un yamada ta bai na shofùrnan di bùs, taksi i ‘tourwagen’ pa pasa tuma nan tapa-boka na UOVV riba e fecha menshoná ariba. Ban sigui kuida nos mes i otronan.
