Shofùrnan mester registrá pa transportá mucha di skol pa Gobièrnu - Informashon tokante Gobièrnu di Kòrsou Bo opinion

Notisia

Shofùrnan mester registrá pa transportá mucha di skol pa Gobièrnu

Geplaatst op 11 July 2021 dor di Ministerio Enseñansa, Siensia, Kultura & Deporte

WILLEMSTAD – Gobièrnu ta habri oportunidat pa registrashon pa transportá mucha di skol. Tur persona ku ta interesá por registrá i inskribí na Sektor di Enseñansa i Siensia di 7 pa 21 di yüli 2021. Tene kuenta ku pa bin na remarke mester kumpli ku e kondishonnan stipulá den e areglo pa transporte eskolar. Ta invitá tur shofùr ku ta transportando mucha pa Gobièrnu aktualmente i/òf ke bini na remarke pa transportá mucha di skol, pa pasa registrá entregando e dokumentunan nesesario i yena e formulario di registrashon serka nos na ofisina.

 Konforme artíkulo 15 insiso 1 di “Regeling Voorwaarden Schoolkinderen” di 19 novèmber 1997, shofùrnan ku kier bini na remarke pa transportá mucha di skol pa Gobièrnu tin ku entregá tur aña promé ku aña di skol kuminsá e siguiente dokumentonan:

  1. “Keuringskaart” bálido pa e vehíkulo;
  2. Seguro pa e vehíkulo (mínimo WA) pa durashon di e aña eksolar nobo (2021-2022);
  3. Seguro separá pa tur pasahero te kapasidat máksimo, pa durashon di e aña eskolar nobo (2021-2022);
  4. Prueba di pago di number pa e vehíkulo aña 2021 kompletu;
  5. Pèrmit di shofùr di bus òf shofùr ousiliar òf dokumento di “ontheffing” pa esnan ku no tin pèrmit;
  6. Reibeweis bálido pa manehá e vehíkulo pa transportá mucha di skol;
  7. Un papel di bon kondukta di bo komo prueba ku bo no a kometé ningun delito moral òf di violensia;
  8. Un karta di dòkter ku bo ta bon di salú.

Nos ta enfatisá ku:

Repartishon ta sosodé entre e shofùrnan ku a registrá riba e dianan menshoná i ku ta bini na remarke. Nos ta pidi pa pasa registrá na Ministerio di Enseñansa, Siensia, Kultura i Deporte na ofisina di Sektor di Enseñansa i Siensia (UOW/SAE) na Bon Bini Business Center na Schottegatweg Oost 10, pa por bini na remarke pa transportá mucha di skol pa Gobièrnu di Kòrsou.

Dianan pa inskribí (dianan di ofisina):

7 yüli te ku 21 yüli 2021, orario di 08.00‘or pa 11.30‘or i 14.00‘or pa 15.30‘or. 

Lugá  :    Sektor di Enseñansa i Siensia (UOW/SAE) na Schottegatweg Oost 10

Kòrda bin registrá riba e fechanan menshoná. E shofùr ku no presentá riba e fechanan menshoná i sin niun aviso, nos ta konsiderá ku lo e no ta interesá mas pa transportá mucha di skol pa Gobièrnu di Kòrsou. Despues di inskripshon di muchanan di skol, tur shofùr ku a inskribí lo haña kontesta riba nan petishon.

Ministerio konserní