Notisia

Representantenan di e kadena di hotèl Corendon a reuní ku Ministerio di Enseñansa, Siensia, Kultura & Deporte (ESKD).

Corendon ta traha un hotèl all-inclusive na Kòrsou. Otro aña e promé sekshon ku 400 kamber ta habri, despues un ekstenshon di 450 kamber. General Manager Sr. B. Ogut i su tim a duna minister M. Alcalá Wallé i empleadonan di OWCS un presentashon masha bunita. Riba término korto Corendon mester di hopi trahadó i empleado lokal pa manehá e kadena p.e.: personal di helpdesk, resepshonista, bell boy, accountant, empleado atministrativo, personal di Food and Beverage, personal di Entertainment i tékniko.

Den i lus aki ESKD lo duna kurso básiko den e sektor horeca. Corendon Academy (den konstrukshon na Kòrsou) i e sentro permanente ‘On the Job Learning’ lo sòru pa konosementu spesialisá i abilidat. E lo bira un proyekto bunita. Pronto ESKD lo risibí e lista di nesesidat for di Corendon pa kuminsá ku òf adaptá e kursonan. Lo instalá un grupo di sinkronisashon. E grupo lo monitor i guia proseso di edukashon. A palabrá ku lo aserká e direktivanan di skol pa partisipá di moda ku ta sirbi e merkado laboral huntu i dirigí.

Na e manera aki hóbennan por haña trabou den e sektor horeca.

Riba portrèt e siguiente nòmbernan ta den sekuensia:

• Sra. C. Hartel (‘Business Assistance Corendon’);
• Sr. W. Kleinmoedig (‘Direktor di UOW’);
• Sra. Minister M. Alcalá-Wallé (ESKD);
• Sr. B. Ogut (‘General Manager’ di Corendon);
• Sra. S. Larmonie-van Heydoorn (‘Direktor di maneho ESKD’);
• Sra. M. Nunes (for di Hulanda i enkargá ku ‘Corendon Academy’);
• Sra. F. Narvaez-Ayubi (Kolaboradó sekshon Maneho).

MAS NOTISIA

Ministerio konserní: Enseñansa, Siensia, Kultura & Deporte