Publiká riba 09 Aprel 2025
Willemstad – Servisio pa Tráfiko i Transporte (UOVV), ta introdusí entrante luna di Mei 2025 un sistema pa registrashon online di vehíkulonan nobo.
Ku e inovashon aki, doño di un vehíkulo nobo no tin nesesidat di bai físikamente na e ofisina, sino por hasi tur e proseso di registrashon fasilmente ‘online’ via e website di UOVV.
Rekisito importante nobo: ‘Crib nummer’
Pa por registrá un vehíkulo den e sistema nobo, e doño mester tin su number di CRIB. E number aki ta nesesario pa por identifiká i prosesá e registrashon debidamente
Proseso pa haña bo ‘Crib nummer’:
Pa tur residente di 18 aña òf mas, un number di Crib a wòrdú kreá kaba. Un empleado di Belastingdienst por buska esaki den su sistema ora un persona ta deseá na paga su belasting di vehíkulo. Si bo no ta un residente i bo no tin un number di Crib ainda, bo por buska esaki via di www.belastingdienst.cw. Lo bo risibí bo number di Crib denter di algun dia.
Nos ta rekomendá tur persona ku tin planiá pa registrá un vehíkulo nobo pa buska òf solisitá su number di CRIB na tempu.
Benefisio di e sistema nobo:
Tipo di vehíkulo:
Tur vehíkulo ku pa promé biaha mester bai kùr aki na Kòrsou ta ser konsiderá komo vehíkulo nobo. Pues no ta importá for di kua pais e vehíkulo ta bini.
UOVV ta sigui traha riba un servisio públiko moderno, aksesibel i efikas. E paso aki ta forma parti di nos vishon pa digitalisashon i mehorashon di e kalidat di nos servisio. Lo sigui duna mas informashon i splikashon den transkurso di dianan benidero.
