Publiká riba 15 Yüli 2022
Willemstad – Departamentu di Salubridat Públiko situá na Piscaderaweg 49, Mundu Nobo, ta partisipá ku entrante djaluna 18 di yüli 2022 tur aktividat di pago na kaha ta normalisá bek.
Esaki ta enserá ku kùrmentu ta sigui riba dianan kustumbrá pues tur persona por akudí pa kùr. Por kùr di djaluna pa djaweps di 08:00-11:00 i di
14:00-15:30. Pa kùr mester bin ku un identifikashon válido sea pasport, reibeweis òf sédula, E kosto ta fls. 50,00 pa persona i e karchi tin un
valides di un aña. Personanan ku tin karchi di kùr por trese esaki dado kaso ku e karchi i e potrèt ariba ta den bon estado. Pa esnan ku tin karchi
di kùr mester bin pasa èksamen almenos 2 siman promé ku e karchi kaduká.
Pa personanan ku ta kùr pa promé biaha nan mester bin tambe ku un pasfoto resien. Por paga kèsh of swipe na kaha. Por haña e bukinan di higiena riba https://www.facebook.com/notes/686609308948981/ .
Pa loke ta pago pa gastunan di importashon i eksportashon di morto/urna òf habri kèlder por bai via di e kuenta na MCB 31968807 pero mester bin ku e komprobante di pago òf por paga na kaha huntu ku e dokumentonan nesesario.
Pago pa bakuna di biahe na Departamentu di Malesanan Infeksioso ta bai via di kaha na UO G&Gz. Por paga na kaha tantu kèsh òf swipe.
Pa informashon semper por yama nos sentral na 432-2800.
Departamentu di Salubridat Públiko ta gradisí pa e komprenshon.
###
