WILLEMSTAD – Resientemente tabata tin diferente spekulashon den medionan di komunikashon ku lo tin sierto skolnan públiko ku no ta limpi. Ministerio di Enseñansa, Siensia, Kultura i Deporte ta suprayá ku esaki no ta bèrdat. Tur skol públiko (48) ta keda limpiá 5 bes pa siman paden (lokalnan, gang, tualèt, kantina etc.) i pafó (kura). Ademas tur aña, na inisio di aña eskolar, tur skol ta risibí un limpiesa grandi. Esaki tambe tabata e kaso e aña aki. Den kuadro di mantenshon duradero, kada 3 luna ta hasi limpiesa grandi di kurá di tur skol.
Servisio di skolnan públiko den estrecho koperashon ku skolnan, ta karga e responsabilidat pa tur mucha por sigui enseñansa den un ambiente sano i agradabel.
