SOAW lo aselerá revishon di petishonnan habrí - Informashon tokante Gobièrnu di Kòrsou Bo opinion

Notisia

SOAW lo aselerá revishon di petishonnan habrí

Geplaatst op 31 December 2020 dor di Ministerio Desaroyo Sosial, Labor i Bienestar

Willemstad – Dia 30 Ministerio di Desaroyo Sosial, Labor & Bienestar (SOAW) pa paga sosten na esnan ku tatin kustumber di risibí esei. Mester revisá mas o ménos 180 persona ku mester risibí nan pago. Sea nan a risibí sèn di mas òf di ménos òf no ta masha kla ku nan no tin trabou ainda òf ku entretantu nan por a haña trabou.

E personanan aki mester a risibí un notifikashon ayera ku nan lo no haña pago ainda pa asina splika ku nan lo no bai risibí pago.
Lamentablemente e notifikashon a sali awe numa dunando e personanan ku no a risibí nan pago ayera e pensamentu ku nan lo a bai risibí nan pago.

Minister ta ofresé su diskulpa pa esaki. Un bon intenshon pa paga trempan a bin resultá den un desapunto pa algun persona. Minister a duna instrukshon pa aselerá e proseso di revishon i si tin klaridat riba un persona su kaso promé ku 7 di yanüari 2021, lo bai paga promé ku dia 7.

Ministerio di SOAW a hasi tur ku ta den su alkanse pa rekargá e karchinan di komestibel pa risibidónan di sosten laboral i di ònderstant mas trempan, pero esei no a resultá faktibel. E karchi di risibidónan di ònderstant ta keda rekargá dia 8 di yanüari 2021 i esun di risibidónan di sosten laboral dia 4 di yanüari 2021.

Ministerio konserní