Publiká riba 08 Sèptèmber 2026
Willemstad – Ministerio di Desaroyo Sosial, Labor & Bienestar (SOAW) ta informá ku den kuadro di e Programa di Sosten, a ekspandé e programa ku 3 luna mas. Esaki ta nifiká ku pa ougùstùs, sèptèmber i òktober tur kliente ku a/ta bini na remarke lo risibí e 100 florin èkstra.
Próksimo fechanan di pago
Personanan ku ta risibí AOV i personanan ku ta risibí un penshun di biuda/o i wérfano ku ta kai bou di 30 mil florin pa aña, lo risibí nan sosten di 100 florin riba djabièrnè awor, 11 di sèptèmber 2026, pa e luna di ougùstùs. Tene kuenta ku e pago di e 100,= di sosten no ta kai pareu ku pago di penshun AOV/AWW, pero despues di esaki.
E kobradónan di ònderstant, kende ya a haña nan sosten di ougùstùs, lo risibí nan sosten di 100 florin riba 25 di sèptèmber 2026 pa e luna di sèptèmber.
E programa di Sosten ta un medida temporal ku Gobièrnu a tuma pa yuda e siudadanonan mas vulnerabel durante e periodo di subida di kosto di bida debí na desaroyonan internashonal.
Pa mas informashon por tuma kontakto ku e Tim di Sosten temporal na telefòn 724-5300, email adres: sosten@soaw.cw
