Publiká riba 12 Yüli 2020
Willemstad – Pa efisiensia i eliminashon di tempu di espera muchu largu, minister di SOAW a tuma e desishon pa lansa un wèpsait pa hasi petishon di ònderstant via internet.Tur persona ku ta deseá na hasi un petishon pa ònderstant, por hasi esaki entrante djaluna awor 13 yüli riba www.soaw.cw.
Personanan ku no por yena nan mes petishon via internet (riba telefòn, tablet, laptop òf desktop) por risibí yudansa i instrukshon di helpdesk SOAW, mandando un mensahe por esktrito na WhatsApp nr. +5999 510 7629 pa instrukshon i/o yudansa.
Nos ke enfastisá ku aktualmente por apliká solamente pa ònderstant. Den futuro lo añadí mas produkto na e lista di formulario digital. Despues ku e petishon keda hasí, Kas di Bario lo drenta den kontakto ku e aplikante.
Pas mas informashon por tuma kontakto ku Kasnan di Bario na: +5999 462-4500 pa Kas di Bario Otrabanda, +5999 869-6660 pa Kas di Bario Sta. Maria, +5999 736-7500 pa Kas di Bario Brievengat, +5999 465-8053 pa Kas di Bario Punda i +5999 695 5168 pa WhatsApp di Kasnan di Bario
