Publiká riba 17 Aprel 2018
Willemstad – Diariamente hopi outomobilista ta trafiká riba brùg Juliana. Resientemente, por a tuma nota ku un parti di e konekshon di ‘railing’ a lòs. A base di investigashon ku OW a hasi por a konstatá ku e ‘railing’ a lòs pa motibu ku e ta frus. E informashon aki a sali tambe den medionan di prensa. Servisio pa Obra Públiko (OW) ta na altura di e situashon i ta laga drecha e parti di e ‘railing’ aki den transkurso di e siman aki mes!
Proyekto di konservashon
Banda di e echo ku e siman aki ta laga drecha e parti ku ta kibrá, OW ta trahando tambe aktualmente riba un proyekto mas grandi pa drecha diferente parti di e brùg ku ta frus (’plaatselijk roest’) i pa despues fèrf e brùg kompletu. Esaki ta dura un máksimo di 2 aña i ta kuminsá den 2018 mes. Den e proyekto aki lo bai revisá e situashon di e ‘railing’ kompletu i kaminda ku tin partinan di frus lo drecha i konservá esakinan di un forma duradero.
E brùg ta seif
OW ta garantisá un i tur ku nos brùg ta seif pa por trafiká riba dje. Pues kore trankil riba nos brùg.