Publiká riba 10 Yanüari 2018
Willemstad – Pa djabièrnè awor 12 di yanüari 2018, Servisio pa Obra Públiko (OW) ta guia e proseso pa remplasá e outomat bieu di lusnan di tráfiko na krusada Dokweg pa un outomat nobo. Riba djabièrnè 12 i djasabra 13 di lo no tin lus na e krusada. Minister Jesus –Leito huntu ku OW ta pidi un i tur pa kore ku koutela. Esaki ta pa parti di e trayekto pa alsa seguridat di tráfiko na Kòrsou mirando ku lusnan di tráfiko ta regulá tráfiko na un krusada.
Den siman di 15 di yanüari, entre 9or pa 11or di mainta i 2or pa 4or di atardi lo paga e outomat na krusada Dokweg pa por finalisá e trabanan si ta nesesario.
Riba djabièrnè 19 di yanüari 2018 ta remplasá e outomat bieu na e krusada Dominico ‘Don’ Martina Boulevard/Schottegatweg Zuid konosí tambe komo krusada ‘Monument’ pa un outomat nobo. Pues djabièrnè 19 i djasabra 20 lo no tin lus na e krusada.
Den siman siguiente, esta e siman di 22 di yanüari, entre 9or pa 11or di mainta i 2or pa 4or di atardi lo paga e outomat pa por finalisá e trabounan si ta nesesario.
OW ta pidi tur outomobilista pa kore ku koutela durante di ehekushon di e trabounan aki.
