Publiká riba 22 Yanüari 2023
Willemstad – Durante di e wikènt tras di lomba, Tim di Prekario a tuma nota ku diferente persona a kuminsá marka nan espasio di prekario riba ruta di Karnaval 2023. Esaki no ta aseptabel, i ta bai tuma akshon kontra esaki.
Klientenan di prekario por kuminsá marka i konstruí stènt òf stellage, òf buta trailer riba ruta entrante 4 di febüari 2023 kuminsando 10or di mainta.
Esaki ta konta pa tur kliente ku ta buta banki i stul tambe.
No ta pèrmití pa marka ni ku fèrf, ni ku spuitbùs promé ku 4 di febrüari. No mag usa nada permanente riba mobilario di kaya ni alsera.
Na momentu ku Tim di Prekario tuma nota ku un doño di pèrmit di prekario, ya ta markando, por ehèmpel ku spuitbùs òf fèrf, e doño ta pèrdè su pèrmit. Pues un apelashon serio pa no spuit òf marka ku fèrf. Pa por marka bo espasio di prekario, porfabor tuma kontakto ku Tim di Prekario.
