Ta pone drèmpel riba Antillenweg
Publiká riba 22 Yanüari 2019
Willemstad – Pa alsa seguridat di tráfiko riba Antillenweg, Servisio pa Obra Públiko (OW) ta laga pone drèmpelnan di asfalt. Meta di e drèmpelnan aki ta pa baha e velosidat di outomobilistanan na momentu ku nan ta kore den e kaya aki.
Trabounan ta kuminsa djarason awor 23 di yanüari 2019, ta tuma dos dia, i ta na enkargo di kontratista MNO Vervat. E trabounan lo no forma un strobashon pa tráfiko. Ta sòru pa habitantenan i komersiantenan keda ku akseso na nan kas òf negoshi. OW ta pidi tur outomobilista pa sigui e indikashonnan i kore ku koutela.
OW ta gradisí komunidat adelantá pa e pasenshi i koperashon. Pa pregunta por whats app na 511-8582. Tambe por bishita e website www.vvrp.cw/proyekto pa tur informashon i desaroyo di proyektonan di OW.
