Publiká riba 14 Desèmber 2023
Willemstad- Prekario Karnaval 2024 i Servisio pa Planifikashon Urbano ta hasi un yamada na tur persona ku tin “trailer” mas grandi ku 6 meter.
Tur kliente eksistente ku tin “trailer” mas grandi ku 6 meter ku ántes tabata risibí pèrmit verbal, pa manda un mensahe via WhatsApp riba number di telefòn (+5999)511-3874 na Señor Daal, ku un potrèt di sédula bálido, number di pèrmit di prekario i un “e-mail adrès”.
Señor Daal, miembro di Tim Prekario Karnaval 2024 ta tuma kontakto ku e personanan aki pa asina nan risibí pèrmit pa pone nan “trailer”un dia promé.
