Publiká riba 18 Yanüari 2024
Willemstad – Temporada Karnaval ta konosí ku mayoria hende tin nan prekario riba e ruta di karnaval pa asina disfrutá den un ambiente familiar durante Marchanan di karnaval.
Pero semper tim di prekario tin ku rekordá tur kliente di prekario ku tin algun regla estrikto ku mester tene kuenta kuné.
No ta permití pa marka ku spuitbus i /òf fèrf i/òf marka ku kualke supstansia ku ta keda marká riba tereno públiko ni tereno privá i sigur no riba tereno di Plantersrust i muraya di Habaai.
No ta permití pa konstruí nada na e muraya di Habaai, por pone banki, stul e dianan di marcha por harma un tènt pa tapa solo. Pero no ta pèrmit uza e muraya di Habaai komo sosten pa nada ku ta keda. Por ehèmpel dak di palu, tapol, rama di koko etc etc.
No ta permití pa konstruí riba i na stelage riba fecha di Marchanan di Karnaval, kual ta:
Djadumingu 4 febrüari (dia di marcha di mucha)
Djabièrnè 9 febrüari (dia parada di tener)
Djadumingu 11 febrüari (dia di marcha grandi)
Djaluna 12 febrüari (dia di despedida di marcha di mucha)
Djamars 13 febrüari (dia di despedida di marcha grandi)
Fecha pa konstruí ta 27 di yanüari for di 12 or di mardugá i fecha pa kita e konstrushon ta 18 di febrüari 2024 promé ku 3or di atardi.
Tim di prekario ta hasi un apelashon pa tur kliente tene nan na e reglanan stipulá pa nos por tin un temporada di Prekario trankil. Tim di Prekario ta pidi abo kliente tuma bon nota di e informashon aki!
