Publiká riba 08 Aprel 2018
Willemstad – Minister di Tráfiko, Transporte i Planifikashon Urbano, señora Zita Jesus Leito i departamentu di Aviashon di Kòrsou ta kontentu pa anunsiá ku djabièrnè ultimo topámtenarnan Ulandes por bula ku nos kompania di aviashon Insel Air. E desishon aki a kai despues di un konsulta interno na Ulanda entre Minister di Infrastruktuur i Waterstaat, señora van Nieuwenhuizen Wijbenga i su kolega sekretario di estado di asuntunan interno na Ulanda.
E motibu prinsipal ku a kondusí na e desishon aki ta ku ámbos mandatario tin sufisiente konfiansa den ekspertisio i kapasidat di e Outoridat di Aviashon di Kòrsou.
Minister Zita Jesus Leito ta hopi gradesido pa e koperashon di e servisio di Aviashon na Ulanda kual a yuda yega na e desishon aki, ku lo yuda Kòrsou pa bai bek na Kategoria 1.
Minister Zita Jesus Leito i departamentu di Aviashon di Kòrsou ta konvensi ku kada koperashon lo yuda alkansa e metanan pa mehorashon di e sektor di aviashon di Korsou.
Durante un bishita di trabou na Ulanda próksimamente Minister di Tráfiko, Transporte i Planifikashon Urbano señora Zita Jesus Leito lo konkretisá palabrashonnan ku su koleganan Ulandes.
Pa mas informashon por tuma kontakto via e number +5999465-1477. Tambe por manda Whats app na number di telefòn +5999511-8582 òf por manda e-mail na info.vvrp@gobiernu.cw.
