Notisia

WILLEMSTAD – Ministerio i Minister di Enseñansa, Siensia, Kultura i Deporte  (ESKD) sr. Sithree van Heydoorn ta invitá Pueblo di Kòrsou pa Topa Nos Na Entrega Pa Konektá riba e Ruta pa Digitalisashon di enseñansa. Djaluna 23 di yüni 2025 ta kuminsá ku e entrega di aparato elektróniko na tur personal di enseñansa.

Den estrecho koperashon ku e 8 direktivanan di skol supsidiá pa Gobièrnu a traha i logra ku e entrega por tuma lugá. Durante di e fin di luna aki i di forma profeshonal e dosente i personal no-dosente ta risibí nan aparato elektróniko. Na mes momentu ku risibí e aparato elektróniko, nan ta partisipá na un kurso pa por traha ku esaki di forma profeshonal.

E promé aktividat riba djaluna 23 yüni 2025, aki ta keda transmití ‘live’ via e plataforma sosial di Facebook di Ministerio di Enseñansa, Siensia, Kultura i Deporte. Durante di e siman aki tur personal ta risibí un invitashon pa bin tuma e aparato elektróniko.

A la bes ta informá ku pa seguridat di e aparato, tin e logo di Ministerio riba dje i e ta keda registrá ku un chip. Esaki ta nifiká ku e aparato ta protehá i sigurá tur informashon di skol, dosente i alumno. Na momentu ku esaki pèrdè òf keda hòrtá por de-aktivá esaki di forma ku e no por keda uza mas. Òf por aktivá e chip den dje pa haña sa unda e ta. Pues esaki ta pa salbaguardiá e aparato i tur e informashon i datos.

Minister di ESKD sr. Sithree van Heydoorn ta invitá, Pueblo di Kòrsou kompletu pa TOPA NOS NA ENTREGA PA KONEKTÁ djaluna 23 yüni 2025 di 09:45 pa 11:30 riba e plataforma sosial di facebook di ministerio di ESKD.

—

KOMUNIKASHON

MAS NOTISIA

Ministerio konserní: Enseñansa, Siensia, Kultura & Deporte