Publiká riba 09 Òktober 2024
Willemstad – Minister Charles Cooper huntu ku Servisio pa Obra Públiko (OW) ta informá ku entre 14 i 17 di òktober 2024 lo tin trabou di mantenshon na Seru Fortunaweg i Kaya San Juan. Durante kuater dia lo asfaltá e kaminda, pa motibu ku e ta den mal estado aktuamente. E mehorashon di e superfisie di e kaminda ta nesesario pa siguridat di esnan ku ta usa e kaminda aki
E trabou lo tuma lugá den un fase i lo ta realisá pa Ortela Schoonmaakbedrijf i General Contractor. Durante e periodo aki, lo dirihí tráfiko riba un otro ruta. Pero, esnan ku ta biba of traha den e área lo por sigui usá e kaminda normalmente.
Minister Cooper i OW ta pidi atenshon pa posibel molèster i ta gradisí pa komprenshon durante e trabou nesesario aki.
