Notisia

Trabounan di asfaltá kaminda pa Wespen ta sigui

Willemstad – Obra Públiko i e kontratista Aliansa NV ta sigui ku e trabounan di renobashon di kaminda pa Wespen den e siman ku ta sigui. Den e siman ku a pasa a kuminsá ku un promé kapa di asfalt di e parti di kaminda di Wakawa te ku Savonet.

Ta sigui traha segun e siguiente skema adaptá:

• Djaluna dia 27 di mart no ta basha asfalt.
• Riba djamars dia 28 di mart ta asfaltá un promé kapa riba parti di e kaminda entre Wakawa i Savonet
• Riba djárason 29 di mart ta pone e kapa final riba e promé parti di e kaminda pa bai Shete Boka. Tin un otro kaminda habri pa bishitantenan por yega Shete Boka.
• Djaweps 30 di mart no ta pone asfalt
• Djabièrnè 31 di mart ta sigui asfaltá e siguiente parti di e Kaminda di Wakawa bai Savonet.

Riba e dianan ku ta asfaltá, e kaminda no ta habrí pa tráfiko. Por fabor sigui e instrukshonnan di tráfiko riba e kaminda i tene kuenta ku e partinan asfaltá no ta kompletamente kla, pues mester kore ku koutela. 

MAS NOTISIA

Ministerio konserní: Tráfiko, Transporte i Planifikashon Urbano