Publiká riba 13 Novèmber 2023
Willemstad – Minister Charles Cooper huntu ku Servisio pa Obra Públiko (OW) ta anunsiá ku trabounan di mantenshon di kaminda a kuminsá for di ròtònde Wiri direkshon Weg naar Westpunt.
Esaki ta parti di e di dos fase di trabounan konosí komo ‘Life Extension’ ku e meta pa alsa kalidat di infrastruktura di Kòrsou.
Durante ehekushon di e trabounan, lo tin rutanan alternativo. OW ta pidi outomobilistanan pa move ku koutela den e área.
Tambe, lo tene kuenta ku e situashon di wer na momentu di ehekushon di e proyekto aki.
