Trabounan di mantenshon i markamentu di kaya na varios sitio
Publiká riba
08 Aprel 2025
Willemstad- Minister Charles Cooper huntu ku Servisio Pa Obra Publiko (OW) ta rekordá pueblo di Kòrsou ku tin varios markamentu di karetera ta tumando luga durante e dianan aki, i tin varios proyekto di mantenshon di kaminda den ehekushon.
Markamentu di kaminda:
- Wiri-Wacao,
- Dokter Maalweg,
- Biesheuvel.
Mantenshon di kaminda:
- Seru grandi,
- Wishi,
- Rancho,
- Carawaraweg,
- Parti di Weg naar Westpunt.
Durante ehekushon di e trabounan aki, habitantenan i negoshinan ku ta biba den e área aki por yega nan kas òf establesimentu normalmente.
Pa otro outomobilistanan ku sa hasi uzo di e kareteranan, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper huntu ku OW ta hasi un apelashon na tur outomobilista pa kore ku koutela.
