Publiká riba 11 Desèmber 2023
Willemstad – Minister Charles Cooper huntu ku Servisio pa Obra Públiko (OW) ta informá ku djamars 12 desèmber lo tin trabounan di mantenshon na e “crashguard sand barrels”. Esaki ta e barinan hél yená ku santu ku tin na lado di kaminda ora bo ta subi i baha Koningin Juliana brùg
Debí na mal estado di e “crashguard sand barrels”, OW lo bai kita esakinan i remplasá nan pa nobo. Esaki ta trese kuné ku lo bai sera e kaminda ku ta sali na áltura di konsulado merikano. E kaminda ku ta keda entre Abraham Mendez Chumaceiro Boulevard i konsulado merikano lo ta sera pa algun ora.
Kontratista DR General Contractor lo bai ehersé e trabou aki entre 8:30am pa 11:30am. Lo bai tin bòrchi ku bari oraño pa indiká ruta alternativo. Ta hasi un apelashon na tur outomobilista pa kore ku koutela.
