Trabounan di mantenshon na e krusada elevá di Cas Coraweg - Informashon tokante Gobièrnu di Kòrsou Bo opinion

Notisia

Trabounan di mantenshon na e krusada elevá di Cas Coraweg

Geplaatst op 28 September 2017 dor di Ministerio Tráfiko, Transporte i Planifikashon Urbano

Willemstad – Djabièrnè 6 di òktober Servisio pa Obra Públiko ta kuminsá ku trabounan di mantenshon na e krusada elevá na altura di Cas Coraweg dilanti di Radulphus College. E trabounan tin un durashon di un siman i durante e periodo aki tin diferente desviashon di tráfiko pa tene kuenta kuné den e área.

Krusadanan elevá tin e propósito di hisa e seguridat den tráfiko. Pa e krusada aki tambe esei ta e kaso. Obra Públiko ta pidi outomobilistanan pa kore ku koutela den e área na momentu ku e trabounan ta tuma lugá durante dia. Si tur kos kana segun plan e trabounan ta finalisá den e di tres siman di e luna di òktober. A skohe e fecha aki pa minimalisá molèster den tráfiko mirando ku ta vakantie di skol.

Segun e trabounan ta tuma lugá, e krusada lo no ta aksesibel pa tráfiko. Outomobilistanan ku ta trafiká den e área mester sigui e indikashonnan den forma di flecha pa yega na nan destinashon. Tráfiko ku ta bin for di Santa Rosaweg lo mester pasa via di e bypass banda di e pomp di gasolin Cas Coraweg. Tráfiko ku ta bin for di direkshon di Schout bij Nacht Doormanweg lo mester pasa via di Schout bij Nacht van Staverenweg esaki ta e kaya di Centrum supermarket. Habitante i komersiante den e kaya di Cas Coraweg por hasi uso di e kayanan di Dr Everszweg i/of Dr Jaques Ellisweg.

Via di e komunikado aki, Obra Públiko, kontratista MNO Vervat i Kuerpo Polisial Kòrsou ta pidi indulgensia pa eventual molèster pa e kambio temporal. Pa kualke pregunta tokante e proyekto por tuma kontakto ku Obra Públiko via e number 433-4327.

Ministerio konserní