Trabounan di mantenshon na Sha Caprileskade - Informashon tokante Gobièrnu di Kòrsou Bo opinion

Notisia

Trabounan di mantenshon na Sha Caprileskade

Geplaatst op 10 June 2021 dor di Ministerio Tráfiko, Transporte i Planifikashon Urbano

WILLEMSTAD – Servisio pa Obra Públiko (OW) ta partisipá ku entrante djabièrnè 11 di yüni 2021 ta bai reanudá trabounan na Sha Caprileskade (barku di fruta). E trabounan akí ta parti di e trayekto pa hasi nos sentro di siudat aun mas bunita.

E trabounan ta enserá pone mosaiko riba e tonbanknan i tambe den nan banda. E trabounan akí ta planiá pa sosodé di 11 di yüni 2021 pa 30 di yüni 2021.

OW ta pidi pa tur hende ku ta frekuentá den e área pa tuma nota ku tin trabounan di mantenshon tumando lugá.

OW ta pidi su diskulpa pa e inkumbiniensia ku esaki por trese kuné.                    

 

Ministerio konserní