TRABOUNAN DI MANTENSHON PA ALSA SEGURIDAT DI TRAFIKO DEN E BARIO DI SCHELPWIJK - Informashon tokante Gobièrnu di Kòrsou Bo opinion

Notisia

TRABOUNAN DI MANTENSHON PA ALSA SEGURIDAT DI TRAFIKO DEN E BARIO DI SCHELPWIJK

Geplaatst op 10 January 2018 dor di Ministerio Tráfiko, Transporte i Planifikashon Urbano

Willemstad – Djaluna, 15 di yanüari 2018 Servisio pa Obra Públiko (OW) ta kuminsá ku trabounan di buta drèmpel di asfalt den e bario di Schelpwijk. E trabounan tin un durashon di 2 siman i durante e periodo aki tin diferente desviashon di tráfiko pa tene kuenta kuné den e área. Ku esaki, Minister Zita Jesus-Leito ta traha pa alsa seguridat di tráfiko na Kòrsou.

Drèmpel tin e propósito di hisa e seguridat den tráfiko, di moda ku ta baha e velosidat di outomobilista. OW ta pidi outomobilistanan pa kore ku koutela den e área na momentu ku e trabounan ta tuma lugá durante dia. Si tur kos kana segun plan e trabounan ta finalisá den e mesun siman.

Segun e trabounan ta tuma lugá, e kaya lo no ta aksesibel pa tráfiko. Outomobilistanan ku ta trafiká den e área mester sigui e indikashonnan den forma di flecha pa yega na nan destinashon.

Via di e komunikado aki, OW, kontratista CWM i Kuerpo Polisial Kòrsou ta pidi pasenshi pa eventual molèster pa e kambionan temporal. Pa kualke pregunta tokante e proyekto por tuma kontakto ku OW via e number 433-4327, Whats app +5999511-8582 òf via di e-mail info.vvrp@gobiernu.cw.

Ministerio konserní