Publiká riba 24 Sèptèmber 2023
Willemstad – Minister Charles Cooper huntu ku Servisio pa Obra Públiko (OW) ta informá ku entrante 25 sèptèmber, trabounan di mantenshon ta bai kuminsá riba Asteriodenweg for di Promenade te ku Antiliaanse Verffabriek.
Debí na mal estado di e kaminda aki, OW ta bai hasi trabounan di mantenshon riba e karetera. E trabou aki ta konsistí di raspa i kita asfalt bieu, i pone un kapa di asfalt nobo. Esaki ta forma parti di e proyekto ‘Life Extension’ ku Minister Cooper a anunsiá ku ta kontinuá.
Kontratista Curaçaose Wegenbouw (CWM) ta enkargá ku ehekushon di e trabou aki, i nan lo tin un durashon di mas o menos 8 dia.
Durante ehekushon, habitantenan i negoshinan ku ta keda riba e kaya aki por yega nan kas òf establisimentu normalmente. Pa otro outomobilistanan ku tin ku hasi uzo di e karetera aki pa, lo tin ruta alternativo ku barinan oraño i bòrchinan ta indiká.
OW ta hasi un apelashon na tu outomobilista pa kore ku koutela.
