Publiká riba 13 Desèmber 2023
Willemstad – Minister Charles Cooper huntu ku Servisio pa Obra Públiko (OW) ta informá ku riba djabièrnè di 15 desèmber, trabounan di mantenshon ta kuminsá riba Gosieweg.
Awor ta turno pa Gosieweg tambe haña su mantenshon tan meresí. Djabièrnè 15 di desèmber 2023, trabounan ta kuminsá for di 8or di anochi te ku 6or di mainta. Trabou ta enserá ‘freeswerk’ riba Gosieweg pa despues por asfaltá esaki. E trabou aki lo tin un durashon di 4 dia.
Kontratista CWM ta na enkargo di e trabounan di mantenshon pa Gosieweg. Durante éhekushon di e trabounan aki, habitantenan i negoshinan ku ta keda riba e kaya ariba menshoná por yega na nan kas òf establesimentu libremente. Pa outomobilistanan ku lo mobilisá via di e karetera aki, lo tin ruta alternativo indiká pa barínan oraño i bòrchi.
OW ta hasi un apelashon na tur outomobilista pa kore ku koutela.
