Trabounan di mantenshon riba Mayasweg, Guaranieweg, i Mohikanenweg
Publiká riba
03 Yüni 2024
Willemstad – Minister Charles Cooper huntu ku Servisio pa Obra Públiko (OW) ta informá ku riba djaluna 3 di yüni, trabounan di mantenshon riba Mayasweg, Guaranieweg, i Mohikanenweg ta kuminsá. E trabounan lo tin un durashon di 3 siman i ta bou di enkargo di e kontratista Ortela Schoonmaakbedrijf en General Contractor.
Lo tin desviashon di tráfiko indiká pa bòrchinan oraño. Habitantenan i komersiante lo keda aksesibel durante ehekushon di e trabounan aki.
Minister Cooper huntu ku OW ta sigui traha! Huntu a bin ta drecha Kòrsou su infrastruktura, inkluso mantenshon di diferente kaminda, lusnan di tráfiko, kayanan elevá, pone ‘cat-eyes’, i hopi mas. Lo sigui hasi esaki den transkurso di e periodo benidero. Tin mas proyekto den preparashon.
Minister Cooper huntu ku OW ta hasi un apelashon na nos pueblo pa tene kuenta ku tin trabounan tumando lugá:
• kore ku koutela,
• sali kas un poko mas trempan,
• respetá reglanan di tráfiko i desviashonnan, i
• ban poko poko riba kaminda.
E trabounan aki ta kontribuí na mehora na kalidat di bida na Kòrsou.
