Publiká riba 10 Desèmber 2021
Willemstad – Pa por sigui brinda komunidat un bon eksperensia online, ta sumamente nesesario pa hasi un mantenshon intensivo riba e wèpsait ofisial di Gobièrnu di Kòrsou. Huntu ku e mantenshon lo bini e.o. algun kambio i algun funshonalidat nobo ku ta pèrmití Gobièrnu sigui sirbi i informá komunidat aun mas mihó.
E mantenshon ta tuma lugá for di djabièrnè, 10 di desèmber 2021 anochi te ku djamars 14 di desèmber 2021 anochi. Djárason, 15 di desèmber 2021 e wèpsait lo ta aksesibel atrobe.
Esaki ta nifiká ku durante e periodo menshoná, www.gobiernu.cw no ta aksesibel pa públiko.
Den kaso di publikashon di Komunikado, e proseso lo sigui kana manera kustumbrá. Direktorado di Direktorado di Komunikashon i Informashon i tambe kolaboradónan di komunikashon di e Ministerionan lo sòru debidamente pa e komunikado yega Prensa i mientras tantu por keda risibí informashon riba Facebook i Instagram di Gobiernu di Kòrsou tambe.
Pa preguntanan spesífiko relashoná ku e periodo di mantenshon di e wèpsait, por tuma kontakto libremente ku Direkorado di Komunikashon di Gobièrnu di Kòrsou.
