TRABOUNAN NA LUSNAN DI TRÁFIKO NA KRUSADA NA ALTURA DI SCHOTTEGATWEG OOST - PLUTOSTRAAT - Informashon tokante Gobièrnu di Kòrsou Bo opinion

Notisia

TRABOUNAN NA LUSNAN DI TRÁFIKO NA KRUSADA NA ALTURA DI SCHOTTEGATWEG OOST – PLUTOSTRAAT

Geplaatst op 03 October 2017 dor di Ministerio Tráfiko, Transporte i Planifikashon Urbano

Willemstad – Servisio pa Obra Públiko (OW), huntu ku e kontratista DCG Services, ta bai kambia e bakinan di e lusnan di tráfiko na altura di e krusada na altura di Schottegatweg Oost – Plutostraat, na altura di Banco di Caribe. E trabounan ta tuma lugá entrante djaluna 2 di òktober te ku djadumingu 8 di òktober.

E lusnan lo ta paga durante dia entre 9or di mainta pa mitar di diesdos (11:30am) di mèrdia i di 2or di mèrdia pa mitar di 5 di atardi (4.30pm). Ta kambia e bakinan di lus, ku aworakí ta lusnan Halogeen, i ta hasi nan lusnan LED.

OW ta plania e trabounan di tal manera ku ta evitá oranan pik. Di e forma aki kousa ménos molèster pa tráfiko. Apesar di esaki ta pidi un i tur pa kore ku koutela durante e oranan ku e lusnan no ta funshoná.

Ministerio konserní