Publiká riba 21 Sèptèmber 2017
Willemstad – Servisio pa Obra Públiko (OW), huntu ku e kontratista DCG Servises, ta bai kambia e bakinan di e lusnan di tráfiko na altura di e krusada Schottegatweg Oost i Mercuriusstraat den Saliña. E trabounan ta tuma lugá entrante djaluna 25 di sèptèmber te ku djadumingu 1 di òktober. E lusnan lo ta paga durante dia entre 9or di mainta pa mitar di diesdos (11:30am) di mèrdia i di 2or di mèrdia pa mitar di 5 di atardi (4.30pm).
Ta kambia e bakinan di lus, ku aworakí ta lusnan Halogeen, i ta hasi nan lusnan LED. OW ta plania e trabounan di tal manera ku ta evitá oranan pik. Di e forma aki kousa ménos molèster pa tráfiko. Apesar di esaki ta pidi un i tur pa kore ku koutela durante e oranan ku e lusnan no ta funshoná.
