Trabounan na lusnan di tráfiko na Waaigat, i krusada Bermudaweg / Kaya Djo Pinedo
Publiká riba
12 Febrüari 2024
Willemstad – Servisio pa Obra Públiko (OW) ta anunsiá ku entrante djamars 13 di febrüari, e kontratista DCG Services ta bai hasi trabounan na e lusnan di tráfiko na áltura di Waaigat, i krusada Bermudaweg / Kaya Djo Pinedo
Lo kambia e lusnan di tráfiko pa hasi nan lusnan LED. E trabounan ta kuminsá riba djamars 13 di febrüari te ku 16 di febrüari. Lo traha entre 8.30am pa 11.30am di mainta, i di 1.30pm pa 4.30pm di mèrdia. Di e forma aki, ta trata na minimalisá e molèster pa tráfiko.
Esaki ta enserá ku e lusnan di tráfiko aktual lo ta for di servisio. Na momentu ku esaki ta e kaso, reglanan di tráfiko di un krusada ta vigente, i mester respetá bòrchinan di tráfiko.
OW ta pidi un i tur pa kore ku koutela durante e dianan aki i asina evitá aksidente.
