Trabounan pa drecha un parti di e sistema di riolering na e krusada di Penstraat/Walcherenstraat - Informashon tokante Gobièrnu di Kòrsou Bo opinion

Notisia

Trabounan pa drecha un parti di e sistema di riolering na e krusada di Penstraat/Walcherenstraat

Geplaatst op 27 November 2017 dor di Ministerio Tráfiko, Transporte i Planifikashon Urbano

Willemstad – Servisio pa Obra Públiko (OW) ta anunsiá ku ta bai kuminsa ku trabounan pa drecha e konekshon di riolering, kual ta un parti di e sistema,  na e krusada Penstraat/Walcherenstraat. Lo traha den wikènt riba dianan djasabra 2, i djadumingu 3 di desèmber henter dia di 7or di mainta pa 4or di atardi.

 

E trabounan aki ta nesesario mirando ku mester kambia i drecha e sistema di riolering ku ta sali for di e bario di Nieuw Nederland. E riolering (awa sushi) aktualmente ta wòrdu basha den laman. Ora drecha i kambia e riolering kompletu,  e awa aki ta bai na e sentro di purifikashon di awa.

 

Durante di e trabounan, tráfiko ku ta bin riba Penstraat mester pasa den Sittardstraat, kual temporalmente ta bira un kaya di 2 direkshon, i por  sigui nan destinashon normal. E habitantenan di e area por pasa normal riba e pida di Penstraat aki i yega nan kas. E kontratista enkargá ku e trabounan aki ta MNO Vervat.

 

E trabounan aki ta finansiá pa Union Oropeo den kuadro di mehorashon di e bario di Nieuw Nederland.

 

Den kuadro di mihó komunikashon i suministro di informashon Minister di Tráfiko, Transporte i Planifikashon Urbano (VVRP) sra. Zita Jesus Leito ta pidi tur habitante manda nos un whatsapp na number di telefon +5999 511 8582 òf e-mail nos na info.vvrp@gobiernu.cw pa asina bo por subi nos ‘mailinglist’. Di e forma aki nos lo sòru pa bo keda debidamente informá di tur e trabounan ku Ministerio di VVRP ta hasi pa komunidat di Kòrsou.

 

 

Ministerio konserní