Trahadónan di prisòn mester reanuda trabou - Informashon tokante Gobièrnu di Kòrsou Bo opinion

Notisia

Trahadónan di prisòn mester reanuda trabou

Geplaatst op 27 November 2019 dor di Ministerio Hustisia

WILLEMSTAD – Gobièrnu a gana e kaso den korte ku e la entamá kontra sindikato ABVO, pa loke ta trata e welga di trahadonan prisòn. Hues a dikta ku e sindikato mester manda e trahadonan bai traha bek pa mas tardá awe (27 di novèmber) 7 ‘or di anochi, konforme nan rooster di trabou vigente. Tambe korte a rechasa tur e sinku petishonnan di ABVO i a konsiderá ku ni un no ta hustifika e akshon. Komo partido ku a pèrdè, hues a dikta ku ABVO tin ku paga e gastunan di e kaso den korte.

Durante e tratamentu di e kaso tabata bisto ku e motibu prinsipal di e askhon di e sindikato tabata presensia di un trahado enkarga ku e parti di resosialishon na prisòn i algun deklarashon publiko ku e lo a hasi tokante komportashon di sierto trahadonan di prisòn ku no a kai den bon tera serka esakinan.

DERECHI PA WELGA
Hues a dikta ku presensia di un trahado, ni su ekspreshonnan, no ta hustifiká un welga. E derechi pa welga no por wordu usa pa kore ni kita ningun kolega foi trabou. Hasta den kaso ku esaki a ekspresá su mes negativamente tokante funshonamentu di un organisashon of un grupo di trahadó. Pa loke ta trata e petishon konkreto di ABVO pa Minister di Hustisia shòrs su labornan na prisòn hues a kostata ku un desishon asina no por keda tuma sin a tende e trahado en kwestion.

Pa loke ta trata pago di algun miembro di IBT hues a husga ku gobièrnu no a ninga ku e tin e debe na e grupo. Door di e situashon finansiero prekario di pais gobièrnu a proponé pa paga e grupo entrante 1 di april 2019 i reparti e pago di e montante ku a sobra den 2020 i 2021. Esaki tampoko hues a konsidera un motibu pa welga. Si e ambtenarnan en kwestion no ta di akuerdo ku e proposishon di gobièrnu nan por entama un kaso na korte pa ambtenaar.

DRONE
Tambe hues a para ketu na trajekto pa kumpra un aparato pa kombati e fenomeno di drone ku ta bula riba prisòn. I ta tin kompreshon pe hecho ku e asuntu aki ta asina delikado ku Minister di Hustisia no por komunika tur detaije ku tur trahado. Ta berdat ku gobièrnu no a logra kumpli ku e fechanan palabra ku sindikato debi ku e kompania serka kual a kumpra e aparato a surgi un retraso. Ta asina ku e aparato a jega Korsou i ku tur probabilidat por keda operashonalisá pa fin di aña. Te momento ku esaki keda kritalisá e protokol di drone ta keda wordu aplika.

Pa loke ta trata e otro puntonan manera reorganisashon i drecha e mashinnan di ijs tambe hues a konsidera ku tur ta puntonan ku gobièrnu ta trahando riba nan i tin delibershon konstante entre Minister di Hustisia i e sindikato riba progreso i kon ta atende ku esakinan. E echo ku esakinan no ta kana lihe sufisiente pa ABVO, no ta hustifika un welga segun hues o sea nan niun no ta representa un asina yama “belangengeschil”.

Minister di Hustisia ta kontentu ku e veredikto i ta sali for di e punto di bista ku e esfera na prisòn lo normalisa bèk riba plaso korto i ta garantisá tur trahado di e instituto, ku manera e la bin ta hasi, e lo sigui traha, di un forma deligente, pa resolve e puntonan di preokupashon ku ta biba bou di e trahadonan.

Pa wak e vonnis di Korte klik bou

Vonnis kg CUR201904358 Het Land – ABVO

Ministerio konserní