Publiká riba 08 Mei 2026
Willemstad- Den kuadro di inovashon i profeshonalismo kontinuo di e ministerio, VVRP a organisá un training di e Sistema di Informashon Geográfiko (arcGIS) pa empleadonan di diferente servisionan manera ROP, OW i PTH.
ArcGIS ta un sistema digital ku ta pèrmiti kolekshon, analisis i visualisashon di data geográfiko riba mapa.
E aplikashon aki ta yuda pa tumo di desishon mas detayá, mihó planifikashon di espasio, i uso mas efisiente di rekursonan.
Durante e training, a trata diferente tópiko relevante manera entre otro:
– introdukshon general di arcGIS
– maneho di datonan geográfiko
– interpretashon di mapa digital
– aplikashon di arcGIS den planifikashon i desaroyo.
Ku e inisiativa aki, VVRP ta sigui invertí den konosementu i desaroyo di su personal pa fortalesé su kapasidat pa sirbi komunidat ku mas efisiensia i transparensia.
