Trayekto Integrashon Responsabel a keda prolongá - Informashon tokante Gobièrnu di Kòrsou Bo opinion

Notisia

Trayekto Integrashon Responsabel a keda prolongá

Geplaatst op 05 October 2021 dor di Ministerio Hustisia

WILLEMSTAD – Na luna di mart último, Minister di Hustisia a anunsiá e proyekto di Integrashon Responsabel kaminda personanan indokumentá ku ta kumpli ku sierto rekisito tin un oportunidat úniko pa legalisá nan estadia na Kòrsou.

Despues di e anunsio i implementashon di e trayekto akí, Kòrsou a drenta den lockdown na fin di mart. Tur instansia gubernamental lokal tabata será i no por a brinda e servisio nesesario di forma ku e personanan por a kumpli ku e rekisitonan pa ku e trayekto. Aparte di esaki, pa motibu di e medidanan di prekoushon i prevenshon di COVID-19, personanan indokumentá no por a aserká un persona òf instansia pa asistí den entrega di petishon pa un pèrmit di estadia a base di Integrashon Responsabel.

Relashoná ku e informashon ariba menshoná, ta prolongá e trayekto akí ku algun luna mas te ku 31 di desèmber 2021. Ku e prolongashon akí ta tene kuenta ku e periodo ora ku Kòrsou tabata den lockdown i ta duna personanan indokumentá mas tempu pa aserká e instansianan di gobièrnu konserní, pa asina kumpli ku e rekisitonan nesesario pa por entregá un petishon. Minister ta spera ku mas persona indokumentá ta haña oportunidat pa hasi un petishon durante e trayekto pa bira legal na Kòrsou.

Pa por apliká mester hasi esaki via di e wèpsait www.immigrationcur.org. Riba e wèpsait ya menshoná por mira tur informashon pa por hasi un petishon.

 

Ministerio konserní