Trayekto Integrashon Responsabel ta kontinuá - Informashon tokante Gobièrnu di Kòrsou Bo opinion

Notisia

Trayekto Integrashon Responsabel ta kontinuá

Geplaatst op 23 May 2021 dor di Ministerio Hustisia

WILLEMSTAD – Personanan indokumentá ku ta kumpli ku sierto rekisito tin un oportunidat úniko pa legalisá nan estadia na Kòrsou pa medio di un pèrmit di estadia temporal. Komo parti di e trayekto Integrashon Responsabel, ku Minister di Hustisia a anunsiá na luna di mart último, tin vários persona hasiendo uso di e oportunidat akí kaba. Servisio di Atmishon ta hasi un yamada na personanan indokumentá, ku ta kumpli ku e rekisitonan stipulá, pa hasi uso di e oportunidat akí i apliká riba www.immigrationcur.org.

Riba www.immigrationcur.org tin tur informashon importante na papiamentu, hulandes, ingles i spañó. Por haña, entre otro, informashon tokante e proseso, e rekisitonan general i spesífiko pa kada meta di estadia i tambe informashon tokante ken ta bini na remarke. Personanan ku ta bini na remarke ta personanan ku no a nase den Reino ni tampoko na Merka, ta permanesiendo di forma indokumentá na Kòrsou, a yega nos isla di forma legal i promé ku òf riba 13 di mart 2020.

Tur persona indokumentá ku ta kumpli ku e rekisitonan stipulá por hasi nan petishon pa un pèrmit di estadia temporal te ku 22 di sèptèmber 2021. Pa pregunta i pa mas informashon por bishitá página di Facebook di Servisio di Atmishon Kòrsou (Toelatingsorganisatie Curaçao).


Ministerio konserní