Publiká riba 24 Ougùstùs 2018
Willemstad – Beisbòlistanan di tres tim kampion di Kòrsou tabata di bishita den Fòrti serka ministernan di gabinete Rhuggenaath. Einan nan a haña nan rekonosementu pa medio di un ‘pin’ ku nan a destaká i ta keda mira komo Bon yu di Kòrsou. 
Ku orguyo e mandatarionan a tuma tempu pa saka potrèt ku e deportistanan. Ta trata miembronan di e tim di Little League, Travel Team i Senior League. Resientemente nan a partisipá ku hopi eksito na diferente kampionato. Esnan di Little League a bira subkampion na Puerto Rico. Esnan di Travel Team a bira kampion na Miami. Esnan di Senior League a gana resien World Series.
Gobièrnu pa medio di un supsidio di 185 mil florin di ministerio di Enseñansa, Sensia, Kultura i Deporte a kontribui finansieramente pa e timnan por partisipá na varios enkuentro deportivo pa mustra nan forsa.
Ta p’esei ministeran tabata hopi orguyoso pa risibí riba e dia di nan reunion semanal e tres timnan di beisbòl. E ‘pin’ a keda pone riba nan unifòrm p’asinei nan por bistie ku mas orguyo.
